 |
| Imibonano mpuzabitsina ku isonga ry'ibyo umugabo yifuza gukora buri munsi |
Ubushakashatsi bwagaragaje uko umunsi mwiza w’umugabo uba umeze, hagendewe ku bikorwa bye bya buri munsi n’ibyo aba akunda, maze hagaragaramo ko waba mwiza neza ari uko abonye amasaha ane (4 Hrs) yo gukoramo imibonano mpuzabitsina hamwe n’amasaha atatu yo gukoramo akazi.
Ikigo Unilever Compressed, gikora imibavu, cyakoze ubushakashatsi ku bagabo b’Abongereza ku bijyanye n’ibyifuzo by’uko umunsi wabo mwiza wamera.
7sur7 dukesha iyi nkuru, ivuga ko abakoze iyi nyigo babazaga abagabo icyo baba bumva bakwishimira gukora mu gihe baba bafite ububasha bwo kwihiritamo ibyo bakora ku munsi, mu buryo budatunguranye nta kuzuyaza abenshi bagiye basubiza ko icyo bakenera cyane ari imibonano mpuzabitsina.
Hanyuma, basobanura umunsi wababera mwiza cyane bawugabanyije mu byiciro bikurikira :
- Amasaha ane n’iminota 19 yo gukora imibonano mpuzabitsina,
- Amasaha atatu n’iminota 36 yo gukora akazi,
- Amasaha atatu n’iminota 22 bari kumwe n’inshuti n’umuryango,
- Amasaha abiri n’iminota 38 barya kandi banwa
- Iminota 29 yo kwiyuhagira.
Ikindi gihe gisigaye kigera ku masaha 10 bakakimara biryamiye.
Iyi nyigo yagaragaje kandi ko abagabo, batwarwa cyane na telefone, kuko byagaragaye ko abagabo bo mu Bwongereza bagera kuri 64% banazikoresha bari mu bwiherero.
0 comments:
Post a Comment