Indaya yari yivuganye uwabuze amafaranga 2000 yo kuyishyura

http://igitsina.topstories24.com
Mushimiyimana Vestina w’imyaka 20 y’amavuko ukora umwuga w’uburaya mu Mudugudu w’Indatwa mu Kagari ka Rwezamenyo ya I, Umurenge wa Rwezamenyo ku cyumweru ku ya 7 Ukuboza yari yivuganye umugabo utaramenyekana izina nyuma y’uko baryamanye akabura mafaranga y’u Rwanda ibihumbi bibiri (2000) yo kumwishyura. Mushimiyimana wiyemerera ko ari indaya anemera ko yahondaguye umugabo bari bamaze gukorana imibonano mpuzabitsina yarangiza agashaka kumurwanya.

Mushimiyimana yabwiye IGIHE ko impamvu yakubise uyu mugabo akageza aho yenda kumwica ari uko yanze kumwishyura ahubwo agashaka kumuniga.
Yagize ati “Yaje dupanga ko ari ibihumbi bibiri agaturu kamwe (inshuro imwe) ariko amaze kurangiza yanze kundiha ahubwo ambwira ko ashaka indi turu ndanga, nkomeje kumwishyuza mbona ashatse kuniga ni bwo nakuruye ikinyururu ndakimukubita."
Yakomeje avuga ko we ubwe atari kurusha ingufu uwo mugabo adafashijwe na mugenzi we witwa Mahoro bakodesha mu nzu imwe. Ati “Ndemera icyaha ariko nabitewe n’uko yashatse kumpuguza kandi ariho nkura umugati w’abana.”

Uwamahoro Cecile ukekwaho gufasha Mushimiyimana we avuga ko atigeze amukubita uretse ko yamufashe gusa. Ati “ Nta ruhare nagize kuko njye natabaye mugenzi wanjye ariko njye sinigeze mukubita.”
Mushimiyimana ari mu maboko ya polisi akurikiranyweho gukubita no gukomeretsa abigambiriye; bivugwa ko ashobora no gukurikiranwaho kwica mu gihe uwo yakomerekeje apfuye.
Igipangu aba bagore babamo gikomeje gutera impungenge kuko gikorerwamo uburaya cyane ko inzu babamo bagiye bazihindra bazicamo ibyuma byinshi kugira ngo babashe kujya bakiriramo abantu benshi.
Umuyobozi ushinzwe imibereho myiza mu Mudugudu w’Indatwa, Uwayisenga Annonciata, avuga ko hari hakwiye gufatwa izindi ngamba kuko batewe impungenge nyinshi n’ibikorwa by’izo ndaya.
Yagize ati “Rwose ntacyo tudakora nk’ubuyobozi kuko indaya nyinshi aha turazifata bakazijyana kuri polisi, ejo tukongera tukazibona zongera kudutesha umutwe.”
Yakomeje avuga ko bakomeje gushaka uko aba bakora uburaya bakwigishwa no kubakangurira kureka uwo mwuga nubwo bamwe muri bo batabikozwa.Uwayisenga avuga ko Umudugudu w’Indatwa wugarijwe cyane n’ibikorwa by’indaya habarurwamo abakora uburya bagera ku 100.

Mu gitabo cy’amategeko ahana y’u Rwanda, "umutwe wa VI w’’Ibyaha binyuranyije n’imyifatire myiza” (Infractions d’attentat aux bonnes moeurs/ offenses of immorality), ijambo “Uburaya” risobanurwa nko “kugira umwuga igikorwa cyo guhuza ibitsina hatanzwe ikiguzi, byaba bikozwe n’umugabo cyangwa umugore.”
Nta bihano iki gitabo cy’amategeko ahana y’u Rwanda giteganyiriza umuntu ukora uburaya, ariko hari “amabwiriza” ubukora asabwa kubahiriza.
Ayo ni ukutarenga imbibi zagenwe n’urukiko, kudatarabukira ahantu havuzwe n’urukiko, ukwivuza, gufatirwa icyemezo cy’igenzura no kwitaba buri gihe inzego z’imirimo cyangwa z’ubuyobozi zagenwe n’Urukiko.
Ukora uburaya mu gihe atubahirije aya mabwiriza cyangwa akanyuranya na yo, ahanishwa igifungo kuva ku mezi atatu (3) ariko kitageze ku mezi atandatu (6), nk’uko bigenwa n’akiciro ka mbere k’iyi ngingo.

Uwayisenga Annonciate ushinzwe imibereho myiza mu mudugudu w'indatwa

Ari kumwe na mahoro wamufashije

Kurikira http://igitsina.topstories24.com kuri facebook

http://www.facebook.com/Igitsina(Page)

Shyiraho Igitekerezo!

[Amakururwanda.com]

Related Posts by Categories