Abagore miliyoni 62 bo ku mugabane w’u Burayi bakorerwa ihohoterwa ryo ku mubiri no ku gitsina nibura inshuro imwe mu buzima.
Inyigo yakozwe n’ikigo gishizwe uburenganzira bw’ibanze ku mugabane w’u Burayi ivuga ko ku myaka 15 y’amavuko, umugore wo ku mugabane w’uburayi akorerwa ihohoterwa rishingiye ku gitsina cyangwa ku mubiri nibura inshuro imwe mu buzima.
Ikinyamakuru Le Point dukesha iyi nkuru, kivuga ko inyigo yakozwe mu kwezi kwa Nzeri 2012 yashingiye ku buhamya bw’abagore bo mu bihugu 28 bigize Umuryango w’ubumwe bw’ibihugu by’i Burayi bagera ku bihumbi 42 bari hagati y’imyaka 18 na 74.
"Dukwiye kubivugaho. Abagore benshi b’i Burayi barababaye.’’
Ibi bikaba byatangajwe n’umuyobozi w’ikigo cyakoze ubu bushakashatsi witwa Danois Morten Kjaerum, wakomeje avuga ko imibare y’ibyavuye muri ubu bushakashatsi ikwiye kwitabwaho.
Iyi mibare ikaba iri hejuru ku bihugu byo mu Burayi bw’Amajyaruguru nka Denmark, bigaragara ko abagore bagera kuri 52% bavuze ko bahohoterwa, 47% bo muri Finland, 46% muri Suwede, hamwe na 45% bo mu Buholandi nabo bakorerwa ihohoterwa.
Mu bihugu byo mu Burayi bw’Amajyepfo ihohoterwa riri ku mibare yo hasi ugereranyije n’ibyo mu Majyaruguru. Mu gihugu cya Espagne 22% barahohoterwa, Chypre na Malte naho ihohoterwa ryo ku mubiri no ku gitsina rirakorwa.
Iyi nyigo ishimangira ko hari impanvu nyinshi zishobora gusobanura itandukaniro hagati y’ibihungu, nk’uburinganire butera abagore kuvuga ku ihohoterwa ribakorerwa byoroshye, kandi bakabona n’amahirwe yo kuvuga ko ibyo bavuga byemerwa gake.
Inyigo ntiyagaragaje neza imibare igereranya uko imyitwarire yagiye ihinduka igihugu ku kindi nubwo ari yo yari kugaragaza agaciro gakomeye k’ubu bushakashatsi.
0 comments:
Post a Comment